МахIачкъалаллал аэропортрай, ларгсса шинах бурувгун, 2017 шинал июль зуруй 43% гьарза хьуну бур пассажиртал, мигу хъанай бур 101500 инсан. Июль зуруй мукунма 17% гьарза хьуну дур аэропортрая лехлаххисса самолетру, мигу хъанай дур 793 самолет ххишаласса.

И. Саидова
2016 шинал февраль зуруй МахIачкъалаллал аэропортрай байбивхьуссар буллай 8000 кв метра дусса, 190 пассажир ссят­рал мутталий кьамул уван бю­хъайсса терминал.
2017 шинал май зурул 3-нний МахIачкъалаллал аэропортра­хьхьун ихтияр дуллунни хъунисса салонну бусса Boeing -767-200, Boeing767-200ER, Boeing- 767-300, Boeing-767-300ER ва Airbus A-330-200 модификациярттал самолетру кьамул дуллансса.
Гьарица кьини МахIачкъа­лаллал аэропортрая Москавлийн лехлай дуссар 10–ннийн дир­сса самолетру. Мукунна шичча лехлай дуссар самолетру Санкт-Петербурграйн, Сургутрайн, Ростоврайн, Сочилийн, Минводылийн.
Дуссар МахIачкъалаллал аэропортрая Къазахсттаннайн ва Туркнавунсса рейсругу.
Гьашину, октябрь зуруя байбивхьуну МахIачкъалаллал аэропортрая тIитIин най дур Аьра­бусттаннайнсса рейсру.