Гьашину апрельданул 17-нния тIайла хьуну декабрьданул 5-ннийн бияннин Жагьилтурал иширттал Федерал агентствалул «Роспатриотцентр» ФГБУ-лущал дуллай бур щалагу Аьрасатнал «Доброволец России – 2017» тIисса конкурс.

Бадрижамал Аьлиева
Ва конкурсрал агьаммур мурад бур Аьрасатнаву волонтерствалул агьамми ххуллурду хьхьичIунмай баву: социалсса, медициналулсса, культуралул­сса, корпоративсса, Ххувшаврил волонтерствалулсса, апатIсса тагьардануву къуццу тIутIаврил волонтерствалулсса, экологиялулсса ва м.ц..
Конкурсрал лагрулий пикри бур жагьилтурал НКО-рдал (некоммерческие организации) волонтертурал ва лидертурал проектру ялун личин дувансса, цал социал агьамшиврулгу хъуннасса мяъна дусса Аьрасатнаву хушрайсса давурттив дуллалаву хьхьичIуннай давриву.
Конкурс дуван тIий бур 20 номинациялий, хушрай­сса даврил агьамми ххуллурду хIисавравун лавсун.
Конкурсрай гьурттушинна дуван оьвтIий бур НКО-рдал, хушрайсса группардал 18 шинава 30 шинавун бияннин­сса оьрмулувусса лидертурайн, бакIчитурайн, мукунна волонтерство хьхьичIуннай давриха зузисса жяматийсса суккушиннардийн.
Конкурсрал лагрулий щалагу Аьрасатнал жяматийсса ва паччахIлугърал оьрчIал ва жагьилтурал «Аьрасатнал школьниктурал суккушинна» тIисса организациялул «ЧIава доброволец» номинациялий язи бугьлан тIий бур волонтерсса, хушрайсса проектру дусса оьрмулул 8 шинава 17 шинавун бияннинсса оьрчIру ва чIава жагьилтал. Му конкурсрая гьарта-гьарзану кIул хьун бюхъантIиссар «Аьра­сатнал школьниктурал суккушинна» организациялул официал сайтрай: https://рдш.рф.
Конкурсрал региондалулмур этапрай гьуртту хьуншиврул чара бакъа аьркинссар, региондалулми этапру даврил графикрайн бувну, хушрайсса давур­ттал чIарав дацIлацIисса «Аьрасатнал добровольцы» электрон системалий регистрация дуван ва адресрай: htt://добровольцыроссии.рф ва конкурсрал отбор дуван.
Конкурсраясса гьарта-гьарзасса информация дуссар «Роспатриотцентр» ФГБУ-лул официал сайтрай ва адресрай: htt://роспатриотцентр.рф.