УИС-рал идарарттай инсаннал ихтиярду дуруччаврилсса буллалисса управлениялул хъунаманал кумагчи, виваллил службалул полковник Рашид Зайнулаьбидовлул кьамул бунни Къизилюртуллал тарбиялул колониялий щак багьлай ва тахсир ккаклай щябивтсса балугъравун къабивсса мюрщи жагьилтал.
Ванал дирхьунни балугъравун къабивминнахь миннал ихтиярдая ва жаваблувшиннарая бусласисса дарс, бувчIин бунни миннал дуки-хIачIиялул, лаххи-ликкиялул тагьар цукунсса дикIан аьркинссарив.
Рашид Зайнулаьбидовлул мукунма бувсунни ПФРСИ-вусса (силистталул изоляторданул журалийсса къатри) низамрая, миву щябивкIминнал хIакъиравусса законная, иш багьарча идаралул администрациялийн ва цаймигу ларайсса инстанциярттайн цукун букканссарив. Балугъравун къабивминналгу цанма кIул хьун ччимунил хIакъираву цIухху-бусу бунни. Миннахьхьун цинявннахьхьун ихтияр дуллунни цивппа-цивппалу гъан хьуну ихтилат бансса. Гьарица суалданун Рашид Зайнулаьбидовлул балжисса бувчIинбавуртту дунни.
Балугъравун къабивми шиккусса шартIирдая, дуки-хIачIиялия, медициналул кумаграя рязи бакъасса кIанттурду къавхьунни.
Дагъусттаннал УФСИН-лул пресс-служба
ХIадур бувссар
А. Аьбдуллаевал
