Рамазан барз байшаврил бази дувансса аьлимтурал мажлис хьунни ларгсса бигьалагай кьини, МахIачкъалаллал Хъунмизитраву.

Микку гьуртту хьунни республикалул Муфтиятрал вакилтал, динчитал, Динийсса идарарттащал зузисса комитетрал председатель МахIаммад АьбдурахIманов. Муфтиятрал вакил Муслим Оьмаровлул бувсунни Рамазан барз та байбишайссарив кIул буваншиврул, астрономиялул аьлимтурал луттирдай чивчумургу, бусурман аьлимтурал тIутIимургу хIисавравун ласайшиву. Мукун хъирив бивзуну , гьашину Рамазан барз май зурул 27-нний байбихьлай бушиву бувсунни. Мажлисрай ихтилатру буллалиминнал кIицI лавгунни, уттинин Рамазан барз байбишаврил хIакъираву цалийн къабувкIсса кIанттурду хъанай, цавайннал ца кьини, гайминнал хъирив кьини зума дугьлай, мукунна Зумаритавал байрангу цавайннал ца кьини, гайминнал цамур кьини дуллай , къулайсса иш къабивкIшиву. Бувсунни Аьлимтурал Советрал ца мукъуйн бувкIун, зума дугьаврил барз байбишаврил бази дуваврия агьали рязийну бикIантIишиву, дагъусттаннал агьали кIи-шан бищун буллалисса хIукмурдая хайр къабикIайшиву цавайннанмагу.

П. Рамазанова