Майрал 25-нний МахIачкъалалив хьунни ДР-лул Халкьуннал Мажлисрал 10-мур сессия. Сессиялий ххал диргьунни «Лябукку бусса паччахIлугърал управление» тIисса ДР-лул приоритетсса проект дузрайн дуккан даврил хIасиллу.

Депутатътурал ххал бивгьунни сессиялул кьинилул масъалартту. ДР-лул Халкьуннал Мажлисрал Аграрий политикалул ва тIабиаьтрал луртанну ишла даврил комитетрал председатель Асият Аьлиевал бувсунни, шамулчин дурккуну, ххал дигьин хьхьичIун ласлай бушиву «ДР-лий аьрщарал арарду цалийн дуцаврил цаппара масъаларттал хIакъираву» тIисса республикалул закондалул проект. Ганил мурад хъанахъиссар ххуйсса аьрщив ядаву ва ми цила мурадрай ишла дуллалаву. «Дагъусттан Республикалул заллушиврулусса аьрщарал участокру машай дуккан даврил багьри кIул баврил низамрал хIакъираву» тIисса закондалул проектрал ккаккан буллай бур га аьрщарал участокрал багьа хъар хъанай бушиву кадастрданул кьиматрайн. Ва закондалул проект кьамул дурунни, кIилчин дурккуну.
Сессиялий ххал диргьунни ва, кIилчин дугу-дурккуну, кьамул дунни «ДР-лий Творчествалул зузалтрал ва творчествалул союзирттал хIакъираву» тIисса закондалул проект. Ванил чялиш дуккан дантIиссар творчествалул союзирттал давуртту.
КIилчин дурккуну, дахханашивуртту дунни «ДР-лий физкультуралул ва спортрал хIакъираву» тIисса закондалуву, «ДР-лий агьали чахутккалул азардания буруччинсса кумаграл хIакъираву» тIисса ва цаймигу законнаву.
Сессиялий ххал бивгьунни дакьаврил судиятурал хIакъиравусса масъала, «2017 шинайнсса Дагъусттан Республикалул бюджетрал хIакъираву» тIисса закондалуву дахханашивуртту даврин хасъсса ва цаймигу масъалартту.

ХIасан Аьдилов