Май зурул ряххунний, дя-дяхтта, цIу дагьну, ччурччунни Лакрал райондалийсса Карашрал шяравусса къатри.

Ккуллал ва Лакрал районнал цачIусса «Лакский» полициялул инспектортал, участкарттал вакилтал чIун-чIумуй хьунабакьай Ккуллал райондалул шяраваллал жяматирттащал, дуклаки оьрчIащал, жагьилтуращал.

Ххувшаврил байрандалул Ма­хIачкъалаллал кучардайх нанисса «БивкIу бакъасса полкрал» кьюкьлуву бия Читтурдал шяравасса ХIасанов СалихIлул наслугу.

Жу ттинингу биялсса бусарду Москавливсса лакрал жагьилтурал ккурандалия, танил дуллалисса давурттая. Гьарца алхIаткьини дихьлай бур ниттил мазрал дарсру.