Хьхьурай щинаву дишайссар 2-3 жура къайсилул (сухофрукты) (кураг, хурма, лухIи кякан, инжир, кишмитIутIи вацамургу канилу думур) 50 гр. гьарцаннул хIисаврай.Хьхьурайра къахьурча, бучIиссар кIирисса щинавун 15-20 минутIрайсса дичингу. Яла, щин экьидуртIуну, къайси касакру бувну, кьукьай­ссар. Нехълул пирпиллал (хлопья) бачIи стакан цал дагъ бай­ссар дачIрасса тавалий лагьсса цIарай. Бя­къин бивтун, хIала байссар къайсилущал, дишай­ссар ца чяйлул къуса ницIал. Миннул ялунгу дутIайссар 300 мл. кефирданул. БучIиссар зунна ччимур аьгъушиврул тартнакI ишла дангу.

* * *
Зула чурх аьркин дакъаму­ницIа марцI буккан баншиврул, хIачIлачIияра укунсса хIачIия: кIирисса щинал стакандалувун бутияра лимондалул касакгу, гьавусса дарчиндалул къепгу. Дяркъуну махъ дишияра ца чяйлул къуса ницIалгу, хIачIлачIияра укунсса хIачIия дачIра ххюттуйн 2-3 нюжмардий.

* * *
ДикI гьаяй машиналуву гьаен дувара 200 гр. курагул, 200 г. кьавкьсса лухIи кякандалул, ца стакан кишмитIутIул, 200 гр. гьивхьхьул. Ялун дутIияра 2 хъунна къуса ницIалгу, 2 ккирттаращалла дикI гьаяй машиналувух дурксса лимонгу. Гьарзат ххуйну хIала дара. Гьантлун шамилла миннул хъунна къуса канарча, кIира-шанна нюжмардул лажиндарай гемоглобин цила кIанттайн багьантIиссар.
ЦIуллуну битаннав.

ХIадур бувссар Тамара ХIажиевал