Апрельданул 15-16-нний Аьли Аьлиевлул цIанийсса Спортрал къатраву хьунни греко-румуллал зумунусса лачIун бу­ккаврил Дагъусттаннал чемпионат.

ХI. Аьдилов
СКФО-рал чемпионатрайн лачIунбуккулт язи бугьаврин хасъсса бяст-ччаллавух гьуртту хьунни 80 лачIунукку, ми лачIун буклай бия 8 журалул чурххал кIушивурттай.
Командарттавату ххув хьунни Дагъусттаннал хъуншагьрулул классиктал, вай ччалли бувкссар 7 журалул чурххал кIушиврий. Лаваймур даражалул наградартту ларсунни ХIасан МахIаммадовлул (66 кило), МахIаммад МахIаммадовлул (71 кило), Саида Патхуллаевал (75 кило), МахIаммад Рамазановлул (80 кило), Мансур Гъаирбековлул (85 кило), Рамазан Аьли­евлул (98 кило), Аьппас Аьбдуллаевлул (130 кило), Ражав МахIаммадовлул (59 кило).
Ва чемпионатрай хьхьичIунсса кIанттурду бувгьуминнаща бюхълай бур гьуртту хьун майрай Владикавказрай хьунтIисса СКФО-рал чемпионатрай.