Мартрал 2-нний ДГУ-лул агьамми къатрал актовый залдануву «Анжи» футболданул клубрал бакI дургьуми ва команда хьунабавкьунни студентътуращал-болельщиктуращал. Хьунабакьаврил сакиншинначитал бия «Анжи» ФК ва ДГУ-лул Студентътурал клуб.
БатIаврил дайдихьу дунни ДГУ-лул ректор Муртазааьли Рабадановлул, барча дунни команда футболданул сезон тIитIаврищал ва чIа увкунни тIуркIурдаву тIайлабацIу. Цалва ихтилатрал ахирданий ДГУ-лул чулухасса чIирисса бахшиш дуллунни клубрал президент ХIусман Кьадиевлухьхьун.
Хъирив ХI. Кьадиевлул лавхъунни махъ.
— На барчаллагь учин ччай ура ДГУ-лул каялувшиндарахь, укунсса хьунабакьаврихлу. ЦIанакул «Анжи» хъанай бур Дагъусттаннал бренд – жулла республикалул визитный карточка. Жул клуб кIулли щаллагу дунияллий, яла-яларив – кIулли му Дагъусттаннаясса бушиву. Футболданувугу ччимур хьун бюхъайссар, ччинан бахчи щун бюхъайссар, амма жува тIайланма, хьхьичIунмай бачин аьркинссару, багьайхтугу, бивзун, цIунилгу хьхьичIунмай. ХIакьину жун хъинну захIматну бур, амма «Анжи» гихунмайгу талантIиссар ва ххув хьунтIиссар, — увкунни президентнал.
БавтIминнал хьхьичI ихтилат бунни командалул тренер Александр Григоряннул, командалул капитан Шамил Асилдаровлул. Минналгу цалва болельщиктурахьхьун махъ буллунни чара бакъа ххув хьунсса.
БатIавривух гьуртту хъанахъиминнавух бия АьФ-лул ПаччахIлугърал Думалул депутат ХIажимет Ссапараьлиевгу, футболданул комментатор Рамазан Рабадановгу.
Жагьилтурал футболистурахьхьун булунсса суаллу чансса бакъая, миннун балжисса жавабругу ларсунни.
БатIаврий хьунни ихтилат республикалий махъун багьсса ягу сайки бакъасса чIава жагьилтуралмур футболданиягу.
— ЧIава жагьилтурал дянив футболданул бяст-ччалгу буллан, мунищала архIал пишакарсса футболданул клубрахагу зун жуща бюхълай бакъар. ХIакьину жуща дуван шаймур – республикалул дянивмур даражалул школардай тIитIлай буру футболданул классру. «Анжи» футболданул клубрал Академиялул филиалданул тIитIлай бус
