ТIахIни-кIичIу, раковинарду, сантехника, кафель, гьарзат ххуйну марцI дайсса, хъинну ххуйсса, экологиялул чулуха марцIсса, аллергия къадайсса, мунищала архIал каругу зия къадайсса, дурагу 3 затрая щаллу дайсса паста байсса куц чичинна. Химия дакъар, кьювкьунугу бацIлай бур, аьгъумургу цIай-цIайтIи дуллай бур.
ХхартIукулийх (хъунисса ккутIру дусса чулуха) буккайссар янналул ссахIван (бучIиссар оьрчIал ссахIвангу), 100 гр. ссахIвандалун 100 гр. гъилисса ягу кIирисса щинал хIисаврай дуртIуну, ххуйну хьама дизанну хIала дайссар, ялун бичайссар 75 гр. содалул, хьунтIиссар паста. Хъиннува ххуй бан ччарча, зунна ччимур эфирданул маслогу дутIияра. ЗахIматсса цичIар дакъар, амма зу рязину личIантIиссару. Ва пасталул зул къатлуву гьарзат цIай-цIай тIутIи дантIиссар.
