БавцIусса кIану ххуй бувайсса учару жува, гъан-маччанал дянив бикIу, агьалинал дянив бикIу, сий дусса хъамитайпалийн. Ласнал ляхъиндалул дянивгу, циняв гъан-маччацириннал дянивгу хIурматрайсса, оьнийгу, хъиннийгу чIарав бацIайсса, ххуймур, хъинмур буван анавар бувкнува­сса инсан бур Камалуттиннул душ Жаннат Абакарова.

Цуппа, ванил нину-ппу кIулнан му цичIав тамаша бизансса иш бакъар. Жаннатлул ппу, Вараятусса Камалу­ттин, ЦIуссалакрал райондалий чIярусса шиннардий ххуй-ххуйсса къуллугъирттай зий ивкIсса, райондалул агьалинан ххуйну кIулсса патриот ур. Нину Светлана Хъанардал шяравасса бур, вагу учительница бур. Вайннал мукьва душ бур, мукьвагу душ, ларайсса кIулшивурттугу ларсун, лайкьну чивун буккан бувну бур.
ПатIимат Рамазанова
— Жул кулпатраву дуккаврил, кIулшиву ласаврил кьимат бикIайва, жува культ учарухха, ичIува луттирду ккалаккаврил, дарсру лахьхьаврил культ дия. Хъунмасса библиотека бикIайссия жунний, ужагърай хьхьугу-кьинигу хъамал чан къашайва. Жу, хъамаллураха хIурматгу бувну, миннахун къабахчин кунма, луттирдах щябикIайссияв. ЦIанасса оьрчIру планшетирттах, телефоннах кунма, жу луттирдах щябивкIун бикIайссияв, — тIий бур Жаннат.
Ванил школа къуртал бувну бур ЦIуссалакрал шяраву. Цал Буйнакс­калий къуртал бувну бур кооператив техникум, яла – Москавуллал автоххуллурдал университет. Зий бивкIун бур личIи- личIисса давур­ттай, хIакьинусса кьини зий бур «ЕвроАзияЭкспресс» ТК-лул хъунмур бухгалтерну. Щар хьуну бур 1-мур ЦIувкIратусса ХIасаннун. Гьаннайсса, нину-ппу – Лакрал райондалиясса, лас – [pullquote]- Ниттил жун, душвавран, ла­хьхьин бувссар цIана сийлий да­къасса затру: чIумуй дукра дуван, ласнал ляхъиндалул хIурмат буван, ичIаллил кушу усттарну буван, ка тIиртIуну дишин, дукьан, буслай бур Жаннат.
[/pullquote]ЦIувкIратусса, ЦIуссалаккуй хъунма хьусса Жаннат, нину-ппу кунма, дакIнийхтуну Лакку билаятгу, лакрал культурагу ххирасса инсан бур. Ва мудан гьуртту шай лак­рал культуралул мероприятияр­ттай. Жаннат бур ттатта- бавахъая чIявусса затру лавхьхьуна, ниттилмигу, бутталмигу агьалинаву махъ нанисса, дакIру марцIсса, захIмат ххирасса инсантал бикIайва тIий.
— Буттал ппу Щайхамир угьарасса икIайва. Жул тухумрайн Русттархан-Чахъулайхъул учай. Ххишала акъа дакI марцIсса, иман цIакьсса адамина ия Щайхамир.Ттаттал, ЦIуссалаккуйн бизан був­сса чIумал, мичухъал ужагърай­сса ссайнчIав ка къаларну, гьарзат ядурну диркIссар, вай чил хъусри тIий. Буниялттунгу, заллухъру бувкIун бивкIссар яла, ттатталгу ми кьамул бувссар.Тай шиннардий, чачан зана хьуну бучIарча, баян бувара тIий бивкIссар, тта­ттал щийнчIавгу баян къабувну, лабивтун, ябувссар къатрал заллухъру. Яла ми, Хасавюртлия арх дакъа къатри дурну, тиккун бивз­ссия, амма ттаттахъаннийнсса бухху-букку къакьабивтссия. Нава чIивисса бивкIнугу, дакIний бур, Зумаритавал байрандалий тта­ттахъанний, хIаятраву ца хъунма­сса тутлил мурхьиралу столгу бивхьуну, байран дайссия. Къатрал заллугу учIайва байрандалийн, му хIурматрай кьамул увайва. Ттатта мудангу лакку миналух мякьну икIайва, ттулмур дакIнивугу ччянива ва жула кIану бакъархха тIисса пикри цIакь хьуна. Му пикри куртIгу, цIакьгу хъанан бивкIуна ялу-ялун, Лаккуйн бивтари. Ни­ттилми нину ва ппу, Гъаппахъал МахIаммад ва ПатIимат, Гъумук яхъанай бикIайва. На каникуллай минначIан лагайссияв. Шиккува бусан, минначIа чIявуну ккаккайва машгьурсса художник Оьмар Ефимовгу. Му Щайхамир ттатталгу ссурахъу ия, дуссар Оьмар Ефимовлул магьирну дирхьусса тта­ттал суратгу. Оьмар ниттил бавал ПатIиматлул уссу ия. Мудан дакI зунттавун кIункIу тIутIисса ттун, гьамин, кIий, Лаккуй, бувчIлай бикIайва ттатта Щайхамир циван мякьну ивкIссарив зунттурдах. Мунан бувчIлай бикIайхьунссия танива чил кIанттая мина къашайшиву, мунияту мина кьаритан багьсса чачанналмур дардгу дурчIлай икIайхьунссия. Ца махъ къаувку­ссар мунал къатрал залуннан къа­ччан бикIансса, чачанналгу мукунма ттаттайн къаувкуссар. Яла язими хъамал кунма, кувннаха кув хIурматрай бикIайва. ХIакьинусса кьинигу, сант дагьайхту, лагара Лаккуйн, Гьухъалив хIаятгу, багъгу бусса къатри дуссар, — пашманну дакIнийн бутлай бур Жаннат.
-Лакрал райондалийсса барачатсса иш-тагьар чIалай, хъунмасса пахру бикIай, ниттилма бу­ттал Гъаппа МахIаммадлулгу район ччаннай дацIан дуван хъунма­сса захIматрал бутIа бивхьушиву кIулну. Му дяъвилия чIярусса медаллащал ва орденнащал зана хьу­сса фронтовик ия. Шанна орден дия мунал хъазамрай (кIира дяъвилий ларсъсса, ца – захIматран кьимат бивщусса), амма бакъая пахру- ххарарду. Лагьсса бия мунал чIу, цаява бусан, цанма ккавкмур аьч буван мунан ччан къабикIайва. Мунал канихь бакъа­сса пиша бакъая. Мунан кIула къалай дуккан, усру дуван ва дакьин дуван. Хъанардал колхозрал удаманну, накIлил фермалул хъунаману зий икIайва. Хъанардал колхоз Гъумучиялссаннущал хIала даркьукун, ми­ккугу дан шаймур, анавар къаувккун, хIалимну, дакI марцIну дувайва. Ванал чIярусса арцуйн­сса, чIярусса хъуслийнсса къанихшиву къадикIайва, думунийн щукру бувну, инсаншиврий бувтуна цала оьрму. Ттун тIайлабацIу хьуссар ттула ттатта-бавахъул ва нину-ппу хIалимсса кьисматрай ччатI бувку­сса инсантал бушиву, хIакьинусса оьрмулух ябитарча, захIматраву савсъсса, Лакку билаят дазу да­къа ххирану бивкIсса, инсаншиву хьхьичIунсса ттатта­хъан чIявусса затру хас къабизан­ссия, — тIий бур Жаннат.
Хъаннил байрандалул хьхьичI гьантрай буллалисса ихтилат байрандалийн буцав нагу, жулла тема цахъис тяхъа ду­ккан дуван. ЦIуххав Жаннатлухь, ичIуваминнал инава цукун барча бувара, зулла нину цукун барча дувару куну.
— Ттул ттулвагу шанма душ бур, минналгу лалавсун ччан бикIай ттула ниттил чулийнмайсса хIурмат лахъсса бушиву, — тIий бур Жаннат. — Ниттил жун, душвавран, ла­хьхьин бувссар цIана сийлий да­къасса затру: чIумуй дукра дуван, ласнал ляхъиндалул хIурмат буван, ичIаллил кушу усттарну буван, ка тIиртIуну дишин, дукьан.
Ссурвавралсса, ттуласса – циняв кIюрххила ниттичIан батIайссар, тIутIал кацIругу лавсун, му барча дуван. Навагу ласнал, тIутIал кацI буллуну, барча бувара, ва аьдатри.
Жаннат Абакарова, хIалу дагьну дунура, дакIнийхтуну барча дуллай бур цилла нину Светлана, ласнал нину Людмила ва цинявппагу ниттихъул:
— Жулва бавахъул яла лаваймур хIурматран лайкьссар, жущава миннал захIматран кьимат бищунмагу къашайссар. Циняв нитти­хъахьхьун цIуллушиву дулуннав, миннал ялун ххаришивуртту дияннав! — тIий бур Жаннат.
Жувагу ванил тIутIимуницIун бакьлай буру. Барча буллай буру ниттихъацIун цуппа Жаннатгу, цинявгу лакку хъамигу! Барачатрал хъиндайдихьу хьуннав зун ва интдайдихьулийсса Хъаннил байран!