Февраль зурул 23-нний МахIачкъалалив Да­гъусттаннал Виваллил ишир­ттал министр, полициялул ге­нерал-лейтенант Аьвдурашид МахIаммадовлул Ватан дуру­ччайминнал байрандалущал барча бунни халкьуннал дружинниктал. Шадлугърал мероприятиялий гьуртту хьунни полициялул хъунама, полковник Сергей Карпов, УОООП-рал хъунама, полковник Микаил Маккашарипов, ДР-лул ХIукуматрал цалчинма вице-премьер Анатолий Карибов.

А. Аьбдуллаева
Ва кьини шагьрулул Хъун майданнив бавтIун бия респуб­ликалул шагьрурдая ва районная бувкIсса 300-ннийн бив­сса дружинниктал. Аьвдурашид МахIаммадовлул барчаллагь увкунни, хушрай халкьуннал дружиналул кьюкьравун був­ххун, жяматийсса низам дуру­ччавриву полициялул зузалтран кумаг булаллиминнахь.
Цала къуллугърал буржру дакI марцIну бартбигьлагьи­сса ва давриву ххуйсса ккаккияртту чIалачIи дурсса дружинниктуран министрнал дуллунни ХIурматрал грамотартту. Наградарттан лайкь хьунни 16 дружинник. Наградартту дуллуну махъ, полициялул зузалтрал ккаккан бунни цаппара цала даврил лахIзарду. Масала, полициялул зузалал бацIан бу­ллай бунува къабавцIусса машина цукун бацIан бантIиссарив, миву цукун цIухла бишинтIиссарив, жяматийсса низам лиллалисса инсан цукун ацIан антIиссарив, мунахь цукун гъалгъа тIун аьр