Февраль зурул 9-нний Дагъусттан Республикалул Жяматийсса палаталуву ДР-лул БакIчинал ва ХIукуматрал администрациялул каялувчинал хъиривчу Алексей ХIасановлул дарчIунни наградартту Жяматийсса палаталул члентурайх.
Дагъусттан Республикалул БакIчинал указрайн бувну, ми бусравсса наградартту хIалал дурминнавух бия лакрал миллатраясса шама вакил-виричугу: Халидлул арс Айгун МахIаммадов, Аьлил арс Ссапар Аьбдуллаев ва Аьвдуразакьлул арс Рапи Абакаров.
Айгун МахIаммадовлун дуллунни «Буттал аьрщи ххирашиврухсса» тIисса хIурматрал лишан; Ссапар Аьбдуллаевлун ва Рапи Абакаровлун дуллунни ДР-лул БакIчинал цIа кусса хъамакъабитулул ссятру.
Барча зул ххаллилсса бахшишру!
