Утти дагъусттанлувтураща хъанай бур кьатIув къабувкна булун цалва ччувччусса газрахсса багьа. Комиссиялул ялун ххи дурсса арцугу къадуллуну бюхълай бур багьа булун «Абонентнал цалва кабинетрайхчил» (личный кабинет абонента) www.Kavkazrg.ru. сайтравун бувххун.
ХI. Аьдилов
«Абонентнал цалва кабинетрал бюхъурду личIи-личIисса бур: шикку шайссар газрахсса багьа булаврияр ххишалсса, счетчикрал ккакиярттугу гьан дуван газпромрал идаралийн, цалва буллусса багьри ххал буван, мачча-гъанссаннахлугу булун газрахсса багьа, агарда тайннаща кьатIув буккан бюхлай бакъахьурча. Му хIаллихшин газ ишла буллалиминнан къулайшиврунсса душиву чIявучин бувчIуну бур, ишла дуллайгу бур. Му ишла дуван хъанай дур телефондалул интернетравугу. Му журалий газрах багьа булаву буниялагу хъинну къулайсса хIаллихшин дур, цанчирча чIун чансса харж хъанай дур, багьа булун иржа бувгьуну ацIан багьлай бакъар, абонентнан аьркинсса ччимур чIумал ччарча компьютерданува, ччарча планшетрава смартфондалия хъанай бур багьагу булун, буллуминнул ялув бацIавугу дан.
