Дагъусттаннал БакIчи Рамазан АьбдуллатIиповлул тавакъюрайсса оьвчаву дунни Сталинградуллал талатавриву гьуртту хьуминнайн ва Буттал КIанттул цIанийсса дяъвилул ветерантурайн.

«Аьрасатнал аьралуннал цIа дурксса февральданул 2 кьини – жула билаятрал тарихраву хъама къаритайсса кьинир. Ванияр 74 шинал хьхьичI немецнал фашистътурал аьрал бувкссар Волгалийн, анаварсса мутталий Сталинград канихьхьун ласунсса кьасттирай. Амма тайннал хияллу барткъалавгссар ва 200 хьхьу ва кьини лахъи ларгсса Сталинградуллал цIанийсса талатаву хьуссар Хъундяъвилий жулва ­аьрал ххув шаврийн кIурабаяврил дайдихьуну.
Ва кьини жува дакIнийн бичару, цалла жанну хIайп къадурну, жулла тархъаншиврухлу талай бивкIми. Азарахъул саллатIтал талай бивкIссар Сталинградрал цIаний ва зана къавхьу­ссар цалва мачча-гъанссанначIан. Совет саллатIнал ккаккан бувсса гьунар жула билаятрал виричушиврул тарихравун лавсун буссар ва му хъанахъи­ссар лавайсса даражалул ватан ххирашиврул чувшиврул ва уссу­шиврийсса цашиврул лишанну.
КIа талатаврия зана къавхьуми жунма тачIав хъама къаби­тантIиссар, хIурматрай ва бусравну личIантIиссар фашистътуращалсса талатавурттаву жулва агьалинал гьунар бюхттул баврил лишаннуну хъанахъими. Барчаллагь хьуннав зун Ватандалийн дакI тIайлашиврухлу, ганил тархъаншиврухлусса талатавриву кьянкьану бацIаврихлу.
ХIурмат бусса ветерантал, на зун чIа тIий ура цIакьсса цIуллушиву, лахъисса оьрму, паракьатшиву ва барачат», — тIий бур барча баврий.
ХIадур бувссар
ХI. Аьдиловлул

­