Январьданул каникуллал гьант­рай, зурул 3-7-нний МахIачкъала шагьрулул шахматир­ттал школалий хьунни Дагъусттаннал хъуншагьрулул школардай дук­лаки оьрчIал дянивсса шахматир­ттай буккаврил первенство. Турнир хьунни Швейцариянал системалий оьрмулул шинну хIисавравун ларсун. Бяст-ччаллавух гьуртту хьунни сайки 150 шахматчи.

Первенство сакин дурссар шагьрулул спортрал, туризмалул ва жагьилтурал иширттал комитетрал.
Первенствалий ххув хьуну бур: ХIамзат Шахаев (9 шинавун бияннинминнавух), Мариян МахIаммадова (9 ш.), Аьли Гьарунов (11 ш.), Айна Мансимова (11 ш.), Булат СултанахIмадов (13 ш.), Асият Идрисова (13 ш.), Эльдар МахIаммадов (15 ш.), ПатIимат Щамххалова (15 ш.), Амин ХIажиабакаров (17 ш.), Саида МахIаммадова (17 ш.), ХIусайн Таймуразов (19 ш.).
Турнирданий 3-мур кIану бувгьуну бур ХIажимирзаев МахIаммадлул. Ва ур ГьунчIукьатIрал шяраватусса МахIаммадтIагьирдул арс, дуклай ур 1-мур классраву 37-мур школалий. ХьхьичIунсса кIанттурду бувгьуминнан дуллунни грамотар­тту, медаллу ва бахшишран шахматирттаясса луттирду. Минная сакин дантIиссар МахIачкъалаллал цачIундур команда ва гьуртту хьунтIиссар Дагъусттаннал школардай дуклаки оьрчIал первенствалий.
ХIадур бувссар
ХIасан Аьдиловлул