2008 шинал Пекиннай хьусса Олимпий тIуркIурдал чемпион Ширвани Мурадов январьданул 8-нний цалчин гьуртту хьунни Дагъусттаннал любительтурал футболданул лигалувух.
Ш. Мурадов футболданий увкунни Дагъусттаннал ЛФЛ-данул лаваймур даражалул дивизиондалул 5-мур турданул лагрулуву «Гуниб» командалуву. «Ракеталущалсса» тIуркIулуву цIа дурксса спортсменнал гол бавкьунни муттаэтурал къапулувун. Ахирданий «Гуниб» ххув хьунни «Ракеталияр» 4:1 счетрайну. 5 тIуркIулия махъ Гъуниннал команда дур турнирданул таблицалул 9-мур ххуттай.
