Ттун архниятува чIалан ивкIуна Хъюйннал шяраваллил лултту нанисса ххуллул чIарав ххуллулссаннащал ихтилатрай авцIуну.
ГаначIан ияннина ттула фотоаппаратгу бувккун, ссалам алайк булайхту: «ЦIана, буттауссуй, на вил сурат рищунтIиссар му рахIулуву жула «Илчи» кказитрайн дулун», — куну, цIярх учин дурну рирщуссия ва сурат. РахIулул заллу цувагу ия Хъюйннал шяравасса КьурбанмахIаммадов Кьубанча. Ванал цал 60 шин хьуссар тIива шоферну зий, 1957-ку шинал армиялия увкIсса чIумуя айивхьуну. Оьрмулулгу 80 шинава ливчуссара тIива. Ттуршра шин хьуннин итаннав ина, буттауссу Кьубанчай!
