Ноябрьданул 24-нний МахIачкъалалив хьунни Ухссавнил Ккавкказуллал федерал округрайсса инсантурал ихтиярдал уполномоченныйтурал Координациялул советрал заседание.
Бадрижамал Аьлиева
Му хьунни Аьрасатнал Федерациялийсса инсаннал ихтиярдал Уполномоченный Татьяна Москальковал ва Ухссавнил Ккавкказуллал федерал округрайсса инсаннал ихтиярдал уполномоченныйтурал Координациялул советрал председатель, Къарачай-Чаргаснал Республикалийсса инсаннал ихтиярдал Уполномоченный Зарема Умалатовал каялувшиндаралу.
Заседание хьунни «Соблюдение и защита прав граждан в жилищно-коммунальной сфере» темалун хасну.
Ва мероприятиялувух гьуртту хьунни Дагъусттан Республикалул БакIчи Рамазан АьбдуллатIипов, Дагъусттан Республикалул Конституцион Судрал председатель МахIаммад Халитов, Дагъусттан Республикалул прокурор Рамазан Шагьнавазов, МахIачкъала шагьрулул администрациялул, граждан обществалул, ихтиярду дуруччай органнал, элмийсса сообществалул ва Аьрасатнал Федерациялул инсаннал ихтиярдал Уполномоченныйнал аппаратрал вакилтал.
Ва батIаврий Рамазан АьбдуллатIиповлул наградартту дуллунни инсантурал закондалийнусса ихтиярду дуруччавриву хъунмасса захIмат бивхьуминнан, миннавух бия щалагу Аьрасатнал «Матери России» жяматийсса суккушиндарал Региондалийсса отделениялул председатель МахIаммадова Таиса Билаловнагу.
