ПаччахIлугърал Думалул депутат Аьвдулмажид МахIрамов гьуртту хьунни декабрьданул 5-нний «Экспоцентрданий» тIивтIусса «Российская неделя здравоохранения – 2016» цIанилусса дунияллул халкьуннал дянивсса научно-практический форумрай.
А. Аьбдуллаева
Форумрай гьуртту хъанахъими барча буллалисса ихтилатру бунни ПаччахIлугърал Думалул Комитетрал председатель Дмитрий Морозовлул, АьФ-лул ЦIуллу-сагъшиву дуруччаврил
министрнал хъиривчу Сергей Краевойл, АьФ-лул Промышленностьрал ва машлул министрнал хъиривчу Сергей Цыблул, ЛДПР фракциялул каялувчи Владимир Жириновскийл, Муштаритурал ихтиярду дуруччаврил ялув бацIайсса федерал службалул хъунаманал хъиривчу Борис Кузькиннул, «Экспоцентр» АО-лул генеральный директор Сергей Бедновлул ва м.ц. Ихтилат бунни Аьвдулмажид МахIрамовлулгу. Цала ихтилатраву ванал кIицI лавгунни Аьрасатнал халкьуннал цIуллу-сагъшиву дуруччаврин хас дурсса форумрал агьамшиву ва ляличIишиву.
— Ва форум ца яла агьаммур ишну хъанай бур Аьрасатнал ЦIуллу-сагъшиву дуруччаврил аралуву.
«Российская неделя здравоох­ранения-2016» форумрал лагрулуву гьан тIий дур «За здоровую жизнь» цIанилусса лахъай азардал профилактика даврин хас дурсса XIII-мур дунияллул халкьуннал дянивсса форум ва кIира выставка: «Здравоохранение-2016», «Здоровый образ жизни-2016».
ЦIуллу-сагъшиву дуруччаврил комитетрал член хIисаврай агьалинал оьрмулулгу, билаятрал медициналулгу даража гьаз
баву мурадрай ттун укунсса мероприятияртту жула билаятрай чара бакъа аьркинну чIалай дур Аьрасатнал цIуллу-сагъшиву дуруччаврил нюжмар тIайла дуккан дакIнийн багьминнал мурад бур цIуллу-сагъшиву дуруччаврил агьамми арарду ккаккан дуллалисса ва Аьрасатнал федерал округирттай цIуллу-сагъшиву дуруччаврил приоритет проект цукун щаллу хъанай дуссарив кка­ккан буллалисса выставкартту даву. Му бакъассагу, сакиншинначитурал хIадур дурну дур цIуллу-сагъшиву дуруччаврил агьамми арарду хьхьичIуннай дансса чаран ляхълахъисса элмийсса программа.
Форумрал даву къуртал дан тIий бур цIуллу-сагъшиву дуруччаврил аралуву дурмунил хIасиллайну,- увкунни Аьбдулмажид МахIрамовлул. Ванал бувсунни 5-мур декабрьдания байбивхьуну 9-мур декабрьданийн бияннин ФС-лул Федерациялул Совет­рал Промышленностьрал ва машлул министерствалул, Москавуллал Правительствалул, АьФ-лул Машлул ва промышленностьрал Палаталул, ЦIуллу-сагъшиву дуруччаврил дунияллул организациялул кумаграцIух дуллалисса форумрал цинярдагу мероприятияр­ттай гьуртту хьунсса пикри бушиву цанма.