Декабрьданул 12-нний Аьрасатнал агьалинал кIицI дантIиссар Аьрасатнал Конституциялул кьини. Га кьини Аьрасатнал чIявумиллатру бусса халкьуннал паччахIлугърал закондалуву Гьанумур (Основной закон) аьмсса референдумрай баян бувссар инсаннал ихтиярдая ва тархъаншивурттая.
Конституциялул кьини Аьрасатнал агьалинан байран кьинину хъанахъиссар, цанчирча Гьанулул закондалуву тасттикь дурну дур жула билаятран хъуннасса агьамшиву дусса, миллатирттахь архIалсса ихтиярду душиврул принципру.
Гьанулул закондалул жува циняв архIал бацIан бувссару, архIалсса ихтиярдал щаллу бувссару, миннуву дур укунсса: захIмат буллансса, илкинну занансса (свобода передвижения), гьарнал цалла хъус дикIаву (право на часную собственность), мюхчаншиврунсса ихтияр ва мукунна цаймигу.
1993 шиная шиннай Аьрасатнал Конституциялуву 14 дахханаххишиву дурну дур.
