Ноябрь зурул 8-нний, Къуллугърал бурж бартбигьлай жанну дуллусса виваллил иширттал органнал зузалт дакIнийн бичайсса кьини, Дагъусттаннал виваллил иширттал министр, полициялул генерал-лейтенант Аьвдурашид МахIаммадовлул аьпалул хьуминнал кулпатирттащал ва МВД-лул зузалтращал архIал тIутIив дирхьунни къуллугърал бурж бартбигьлай жанну дуллуминнансса гьайкалданучIа.
Хъирив министерствалуву хьусса батIаврий ванал барчаллагь увкунни тахсиркаршивурттащал талай жанну дуллусса зузалтрал гъан-маччаминнахь.
— Гьарицагу полициялул зузалал буржри цала коллегахъал дурсса къучагъшиву дакIний ритан ва миннал кулпатирттал чIарав бацIан, — увкунни цала ихтилатраву Аьвдурашид МахIаммадовлул.
Аьпалул хьусса зузалтрал гъан-маччаминналгу барча бунни цинявппагу полициялул зузалт ялун нанисса пишалул байрандалущал, барчаллагь увкунни министрнахь цахра дуллалисса аякьалухлу ва чIарав ацIаврихлу.
ДР-лул МВД-лул
пресс-служба
