Ккуллал райондалийсса школарттал дуклаки оьрчIал дянив­сса, муниципалмур этапну хъанахъисса олимпиадартту дайдирхьунни. Ноябрьданул 6-нний хьунни оьрус мазрал, тарихрал, ингилис мазрал, технологиялул дарсирдал олимпиадартту.

ХIажимурад ХIусайнов
Вай олимпиадартту най дия Ваччиял ва ЧIяйннал школар­ттай. Райондалул УО-лул пишакартурал бусаврийн бувну, олимпиадарттай гьуртту хьуну бия 7-11-ми классирттал дуклаки оьрчIру. Вайннала бусаврийн бувну, дуккаврил шинал ахирданий ххуйсса ккаккияртту хьуншиврул, вай кIицI дурсса дарсирдал учительтуран, оьрчIан кIулшиву дулавриву хьуннав, олимпиадарттайн хIадур бавриву хьуннав, ххисса хIарачат буллан багьлай бусса бия.
Олимпиадартту дикIан­тIиссар цIусса шинал февраль зуруйннин.
ХIарачат бувара, оьрчIрув, ххуйну дуккаврил шин къуртал дуван!