2016 шинал ДР-лул ласунтIиссар 333 млн. ва 153,1 азарда къуруш субвенциярдал инвалидсса оьрчI-бакI дарурттал медициналул кьай-кьуйрал ва хъин бан ккаккан дурсса дукиялул щаллу буван.
ХIасан Аьдилов
Инвалидсса оьрчI-бакI чIяву шаврицIун бавхIуну 2016 шинал сентябрьданул 17-нний миннансса бюджетрал арцу 618,07 млн. къуруширттал ххи даврил хIакъиравусса хIукмулий къулбас дунни Аьрасатнал премьер-министр Дмитрий Медведевлул.
Ми субвенциярду 2015 шинал декабрьданий ХIукуматрал хIукмулийну бавчIуну бивкIссар федерал бюджетравату Федерациялул субъектирдал бюджетирттах цинярдагу 32,096 млрд. къуруширттал.
2016 шинал 2-мур кварталданий мукунсса журалул паччахIлугърал социал кумаг ласун ихтияр дусса 116 азаллий 485 инсан ххи хьуссар ва аьмну цинявппа му журалул кумаграх мюхтажсса инсантал хьуссар 3 млн. 676 азаллий 147 инсан. Мунийн бувну бюджетраву миннансса арцу ххи дурссар 618 млн. къуруширттал.
