Октябрь зурул 16-нний Ваччиял шяраву стадиондалий хьунни Ккуллал райондалул школардал дуклаки оьрчIал дянивсса футболданул турнир. Мунил сиптачину бия райондалул КIулшиву дулаврил управление.
Турнирданий гьуртту хьунни 7 команда. Ахирданий Ккуллал шяраваллил 2-мур школалул ва ЧIяйннал школалул командартту хьунадаркьунни финалданий. Ххув хьунни Ккуллал 2-мур школалул команда. Шамилчинмур кIану бувгьунни Ккуллал 1-мур школалул командалул, Хъусращиял школалул командалущал дурккун. Ххув хьусса командалун буллуна кубок. КIилчинмур ва шамилчинмур кIанттурду бувгьуминнан дуллуна дакIний личIансса бахшишру.
