Промышленностьраву ва шяраваллил хозяйствалуву импортозамещениялул программа бартдигьаврин хасну республикалий гьарза дуллай бур ми бутIраву дуккан дайсса хъус. Мунил хIакъираву бувсунни ДР-лул Экономикалул министерствалий.
ХIасан Аьдилов
Промышленностьраву импортозамещениялун кумагран дуккан дуллай бур цIусса технологияртту ва конкуренция духIан бюхъайсса продукция. Масалдаран, «Завод им. М. Гаджиева» ОАО-рал гьашину кьутIи чирчуну дур «Лукойл» ПАО-ращал навт буккан байсса насосру даврил хIакъираву. Ми насосру итадакьайссар заводрал цила. «Махачкалинский машиностроительный завод сепараторов» ОАО-рал хIадур дурссар лавайсса даражалул модульный установкарду атомрал ва гидроэлектростанциярдай трансформатордал аьгъушиву марцI дуллалисса. «Каспийский завод точной механики» ОАО цIанасса ппурттуву зий бур импортозамещениялул газорегуляторное оборудованиялул производство гьарта давриха, му оборудование дуккан дуллалиссар «Тарантини» тIисса Италиянал фирмалул оборудованиялун кIанай.
Миннуяр ххишалагу, обороналуха зузисса предприятиярттал дуллай бур цIусса, цIушинналул изделияртту, ляхълай бур аьралуннал техникалунсса заказру.
Шяраваллил хозяйствалуву гьашину пландалий бур 15,7 гектарданийсса ттизаманнул теплицарду зузи бан. Теплицарду бур Къумтуркъалаллал райондалий, Къарабудахкантуллал райондалий, Ленинккантуллал шяраву. Гьашинува бувну бакIуйн буккан бан най бур 490 азарда тонна лагру дусса логистикалул центрду. Мукунна шяраваллил хозяйствардан ларсун дур 14 техника «Росагролизинг» АО-райхчил.
Шяраваллил хозяйствалул ларсун дур 30 млрд. ва 900 млн. къуруширттансса бакIлахъия.
