Капремонтрал фондрал 13 млн. къурушру ласунтIиссар

37photo_1Дагъусттаннал ласунтIиссар 13 млн. къуруширттал, капитальный ремонтрахлусса взносирттал компенсация хIисаврай. Мунил хIакъираву бувсунни региондалул Капремонтрал фондрал прессалул къуллугърал.

ХIасан Аьдилов
Ми арцу ласуншиврул республикалун аьркинссар Аьрасатнал Минстройрайн октябрьданул 1-ннийнин тIайла дуккан 70 шинаяр оьрмулул хъунисса инсантуран капремонтрахлусса взносру чан дуллалишиврул ва миннухлу компенсация ласун аьркиншиврул хIакъиравусса АьФ-лул субъектрал закондалул копия ва заявка. Гьашину ишла къадурсса арцу региондалул аьркинссар махъуннай федерал бюджетравун зана дуван.
Республикалул фондрал бувсъсса куццуй, компенсация булаврийну инсантал мурахас къабуллалиссар взносирттая – квитанциярдай ккаккан дур­сса арцу чичин аьркинссар цинярдагу.
Соцзащиталул кIанттул отделданул лахъайссар гьар зурухсса арцул компенсация закондалул ккаккан бувсса низамрай льготниктурал категориялун хасну.
ДакIнийн бутанну, цаппара инсантуран, хъунив хьуну 70 ва 80 шинавату ливчусса, цивппалу ялапар хъанахъисса ягу зукъазисса пенсионертуращал ялапар хъанахъисса инсантуран 50% ва 100% компенсация булайссар капремонтрахлу.