Дунияллийсса, билаятрайсса тагьар хIисавравун ларсун, Аьрасатнал ва Дагъусттаннал ихтиярду дуруччай органнал баян буллай бур агьалинан: балики терактру дан ччисса ягу тагьар оьлу­къин даву мурадрайсса цайми ишру щуркIал хьурча, цила чIумал баян бувара Аьрасатнал ихтиярду дуруччай органнайн, «горячий линиярдайхчIин» ягу официал сайтирдайн. Шиккува кIицI бан, хIазран тIайла бакъасса информация буллусса инсан танмихIрайн кIункIу антIиссар.
БувчIин буллай буру цуми органнайн цукун баян банссарив кIицI лавгсса иширттая.

АьФ-лул
ва ДР-лул прокуратура

Цила чIумал хъирив був­ккун, прокуратуралул зузалтрал экстремизмалул ва терроризмалул иширттан ххуллу кьукьиншиврул, баян бан бюхъантIиссар АьФ-лул Генеральный прокуратуралийн. БучIиссар баян бан бланкрал журалий. Бланк дуцIин дуллалиний ккаккан дан аьркинссар цIа, фамилия, буттал цIа. Ххишала­сса цIухху-бусу бансса аьркиншинна дагьарчагу, ккаккан дан аьркинссар зула адрес, регион.
Ккаккан дан аьркинссар къадагъа дуллалисса информация бусса сайт, му информациялиягу балжину чичин аьркинссар, му кIул бан бюхъаншиврул.
Му бакъассагу, зува чичлачимунищал гьан дан бюхъай­ссар къадагъа дуллалисса информация бусса лажиндарал сурат (скриншот).
Агана зу баян бувсса информация къалякъирча ягу му кIул бан къабюхъарча, зу чивчумур ххал къабигьинтIиссар.
Тавакъюри жул тIалав­шиннар­ду дурурччуну чичаву, ккаккан дурсса реквизитру тIайлану дуцIин даву ва зула хIакъиравусса информация бувчIинну чичаву.
Ми гьарзат аьркинсса ку­ццуй, тIайлану дуцIин дурну, чирчуну духьурча, зу чивчумур ччяни ххал бигьинтIиссар.

Баян бувара ва адресрай:
http://genproc.gov.ru/contacts/extremism/
http://dagprоc. ru /index.php?id=260.
Аьрасатнал ФСБ

Аьрасатнал ФСБ-лул вихшалдарал теле­фон­далийхчIин агьалинаща дахIаву дан бюхъантIиссар ФСБ-лул органнащал. Ва телефондалийн оьвкуну, бусан бюхъай­ссар закондалуцIун къабавкьусса, агьалинал ихтиярду къадурурччусса иширттая, агана миннул хъиривлаявуртту, цIубутIуйсса силистта ХIукуматрал ФСБ-лул органнайн тапшур бувну бухьурча.
ФСБ-лул органнайн баян бан бучIиссар мукунма билаятрал ва агьалинал мюхчаншиврун нигьачIаву дусса иширттая, ми ФСБ-лул органнал биялдарай­сса бухьурча.
Аьрасатнал ФСБ-лул органнан хъуннасса агьамшиву дусса информацияну хъанахъиссар чил билаятирттал спецслужбардал дуллалимур ашкара дансса ва миннун ххуллу кьукьин кумаг хьунсса, мукунна террорис­тический актру хьун къабитан кумаг хьунсса, коррупциялуцIун дархIусса тахсиркаршивуртту ашкара дансса, хIукуматрал ва агьалинал мюхчаншиву дузал дансса информация.

Жул телефонну:
8(495) 224-22-22 (цайми шагьрурдая оьвчинсса).
+7(495) 224-22-22 (цайми билаятирттая оьвчинсса).
8-800-224-22-22 (логический номер).
8-916-240-24-84 (СМС-сообщенияртту чичинсса).
Электронная почта:
fsb@ fsb.ru
http://wwwfsb.rи/fsb/supplement.htm.