Жилищный кодексрал ккаккан бувну бур капремонтрансса арцу салкьи даврил 2 жура: Региондалул операторнал аьмсса счет ва специальный счет.
Капремонтрал фонд региондалул операторнал счетрай сакин булларча капремонтрал цинярда давуртту дурну щаллу даву операторнал бакIрайн ласласиссар: платежрал документру хIадур баву, дансса давурттал проектрал ва сметалул документру хIадур баву, подрядрал организация личIи баврин хасъсса конкурс баян баву, строительствалул давуртту дуллалисса чIумал тайннул ялув бацIаву, ми давуртту арцул щаллу даву.
Агарда квартирарттал заллухъруннал цалла къатраву личIину специальный счет тIитIин пикри хьуну бухьурча, циняв лавай кIицI дурсса давуртту цалла дан аьркинссар. Специальный счет тIитIайссар квартирарттал заллухъруннал язи бувгьусса банкирай. Жилищный кодексрал кьяйдалийн бувну, му банкиравусса арцу дикIан аьркинссар 20 млрд, къуруширттаяр къачансса. Ца чIяву квартирартту бусса къатраву тIитIайссар так ца спецсчет.
Квартирарттал заллухъруннал аьркинссар язи угьан цалва къатлул каялувшиву дан шайсса инсан, яни управляющая компания, ТСЖ, тIювалул муштаритурал кооператив.
Специальный счетраяту арцу тIалав дуван бюхъайссар так миннул заллуннаща, къатлувусса квартирарттал заллухъруннал аьмсса собраниялул протокол ккаккан баврийну, протокол бикIан аьркинссар арцу капремонт дан ласаврил хIакъиравусса.
