Ттигъанну Болгъарнаву хьунни Дунияллул халкьуннал дянивсса халкьуннал къавтIаврил ХII-сса фестиваль «Varna – 2016». Муний гьуртту хьуну бур дунияллул 16 билаятраясса творчествалул коллективру. Му фестивальданийн жулла республикалия лавгссар «Хасавюрт» ансамбльгу.

Бадрижамал Аьлиева
Халкьуннал къавтIаврил фестивальданул жюрилул, цийгу каялувшинна дуллалисса Аьрасатнал халкьуннал артистка, Москавуллал хореографиялул академиялул ректор Мария Леоновал, лавайсса кьимат бивщуну бур жула республикалиясса коллективран. «Хасавюрт» ансамбльданул 1-сса кIану бувгьуну бур «Народный характерный танец» номинациялуву, «Орлиная песня» тIисса сюжетрал къавтIаврихлу вайннан дуллуну дур грамота «За яркий талант и профессионализм». Ансамбльданул каялувчи, Дагъусттан Республикалул артист Залимхан ХIамзатовлун тIурча буллуну бур хасъсса диплом «За подготовку и успешное выступление ансамбля».