Июль зурул 29-нний ДР-лул Культуралул министерствалуву хьунни щалагу Аьрасатнал ва дунияллул халкьуннал дянивсса творчествалул конкурсирттал лауреатътуран бахшишру дуллалисса батIаву.
Бадрижамал Аьлиева
ДР-лул культуралул министр Зарема Буттаевал увкунни:
— Зу лайкьну ккаккан дуллай буру жула республика щалагу Аьрасатнал ва дунияллул халкьуннал дянивсса майданнай. Хъунмасса барчаллагь зун мукунсса даврихлу. Мукунсса, культурардал дянивсса, диалограйн бувнурхха жулва билаятрая, жулла республикалия чIявусса инсантуран кIул шайсса, — увкунни Зарема Ажуевнал.
Ванил дакIнийн бувтунни уттигъанну хьусса личIи-личIисса конкурсирттай, фестиваллай хьхьичIун ливчусса коллективру: Бабаюртуллал райондалийсса Аьрасатнал халкьуннал аслийсса культуралул центрданучIасса Халкьуннал хор «Голос равнины», къавтIаврил ансамбль «Хасавюрт», ДР-лул ПаччахIлугърал хорданул Вокальный ансамбль ва мукунма цаймигу.
КIай ва цаймигу конкурсирттайнсса аьрххирдая бусласисса ихтилатру хьуну махъ, Зарема Буттаевал цинявппагу призертуран ва лауреатътуран дуллунни ДР-лул Культуралул министерствалул чулухасса ХIурматрал грамотартту ва дипломру.
