МахIачкъалалив Сепараторный поселокрай Хуршиловлул кIичIираву 2003 шинал ххуйну чIу къабаяйсса ва къюкIсса оьрчIансса интернат ччувччусса кIанай хIукму хьуну бур буван парк. Та цIарал бала-апатIраву оьрмурдацIа хьуссар 30 оьрчI.
З. АьбдурахIманова
Утти, вай махъсса 8 шинал мутталий гикку бивкIсса ахъулссаннул ва ахънилсриннул базар лавкьуну, шагьрулул халкьуннал сипталий, гикку парк бансса хIукму бувну бур. Цимилгу лагма-ялтту ялапар хъанахъисса халкьуннал, субботникру дуллай, цикссагу ччюрклил машинартту гичча буккан бувну бур. Мукунма цимилгу шагьрулул администрациялийн гикку парк бувну ччай бур тIисса тавакъюращал бивну бур. Жяматрал тIутIимунищал рязи хьуну ур МахIачкъалаллал бакIчи Муса Мусаевгу. ЦIана, бивкIсса базаллуя лирчIсса ччюрк дукьлай, гиччалу марцI буллалисса давурттив най дур. Шагьрулул УЖКХ-лул пишакартурайн амру бувну бур бувансса паркрал проект хIадур дан.
ЧIал къавхьуну укунссава парк бувансса хIадуршидарал давурттив дайдишинтIиссар мува Ахъушинскийл кIичIиравусса Научный городок микрорайондалийгу.
