ЧIярусса шиннардий хьхьичIара къадиркIсса кIиришиву хьуну дур жучIара цIана. Ва кIиришиврул кьатIувгу, къатлувугу инсан кьарид уллай ур, оьрчIру ва оьрмулул бугьарами хъиннува, оьнин дуклай хьхьичIара диркIсса цIуцIавуртту, хъиннува инсан инжит хъанай ур. Мунияту ца-кIива маслихIат чичинну инсан кIиришивруя уруччинсса.
1. КIичIиравун хъинну чара бакъасса иширай бакъа мабуккару, бувкнийгу лахъи малагару, кIусса, чурххан гуж бутансса даву мадувару.
2. Къатлуву мудан форточка, чIавахьулу тIивтIунма битияра, бюхъайссаксса вентилятор, кондиционер зузи бувара.
3. КьатIув бувккун нанийкун куклусса, чаннасса, хьу тIивтIусса янна лаххияра, бакIрай чара бакъа лачак, гъинтнил шляпа, панама бишияра, ишла дувара бургъия ххют, цIансса очкив.
4. КIирисса чIумал инсаннал организмалун энергия муксса аьркин къашайсса бур, мунияту канакияра калорияртту чансса дукия, махъаллил шияра аьгъусса дукралия, дикI чан дувара, хъиннува хъинни дикIун кIанай балугъ, хьхьирил продукты канарча, мукунма махъаллил шияра кIурал дурсса (копченое), дагъ дурсса ва ччяни зия шайсса продуктылуя.
5. КIюрххил-кьуннил дуркуну хъинни дукра яла кIирисса ахттайн чIумалнияр.
6. ХIачIлан аьркинссар чIярусса щин, чяй, минерал щин, морс, чансса аьгъушиву дусса кьурчIи накI. Махъаллил шияра газ бусса, нацIу дурсса щиная, хIанттия. Мунищала архIал дакIний битияра, ччаруллал, къюкIлил къашайминнан ххишаласса щин заралссар.
7. Иммунитет дуну личIаншиврул, канакияра ахъулсса, ахънилсса, так марцI дурну, марцIсса щинай шюршуну махъ.
8. Кьинилул мутталий цимиллагу дюхлулсса душ кьамул дурну хъинссар.
9. КIюрххил, кьуннил бакъа кьатIув мабуккари, машинарттайгу щямабикIару.
10. Ттучандалийн, кинотеатрданувун най бухьурча, кондиционер дусса кIанттурдайн бакъа малагару.
11. Щинавун бучIан бучIиссар кIюрххи-кьуннил так ккаккан бувсса кIанттурдай.
Т. ХIажиева
