Авиарейсру чIал дуллали­сса ишру гьарза хъанахъаврийн бувну, зарал хьусса пассажиртуран кIулну бикIаншиврул ДР-лийсса муштаритурал ихтиярду дуруччайсса ва халкьуннал ахIвал-хIал къулай баврил ялув бавцIусса Федерал къуллугърал управлениялул бувчIин буллай бур миннал ихтиярдая.

И. Саидова
АьФ-лул ГК-рал 1-мур статья­лийн бувну агьали ххила­ххисса авиарейсру чIал даврийн, махъун рутаврийн бувну, пассажиртураща бюхъайссар транспортрал уставрай ва кодексрай мукунсса ишру хьусса чIумал, ккаккан дурсса дагьайссаксса аьчIа тIалав дан, мугу авиаперевозчиктурай тахсир бусса тасттикь буван бюхъарча.
АьФ-лул Воздушный кодекс­рал 120-мур статьялийн бувну пассажир ккаккан дурсса чIумуяр нанисса кIанттурдайн чIалну иян уварча, авиаперевозчикная гьарца чIал хьусса ссятрах тIалав дайссар 25 % арцул МРОТ-рал хIисавравун лавсун, мунийгу самолетру дакъаркьун, агьалинал цIуллу-сагъшиврун зарал къахьунширул чIал дурсса ишру хIисав къабайссар.
Авиаперевозчиктурал цайва бивхьусса буржру биттур баву ягу къабаву цуманай тахсирну хьуну бурив ххал бан­сса багьанттах луглан аьркинссар АьФ-лул ГК-рал 401 –мур стать­ялул «чрезвычайных и непредотвратимых при данных условиях обстоятельств» тIисса 3-мур бутIуву ккаккан дурсса тахсиркаршивуртту аьлтту дан бю­хъарча.
ЛичIи-личIисса багьана-сававртту хьуну пассажиртурал хьхьичI тахсир хьусса авиаперевозчиктурахьгу ихтияр дуссар цайва тахсир хьусса ягу къавхьусса исват буллансса.
Хаснува кIулну бикIан аьркинссар АьФ-лул ГК-рал 795-мур статьялул 2-мур пунктрай цIакь бувну бушиву
«В случае отказа пассажира от перевозки из-за задержки отправления транспортного средства перевозчик обязан возвратить пассажиру провозную плату» тIисса бутIа.
АьФ-лул ВК-рал 120-мур статьялувугу хIисавравун лавсун бур, судрайн къабувккунма па­ссажиртураща аэропортрай бунува АьФ-лул ВК-рал 124-мур статьялийн бувну авиаперевозчиктураясса рязи бакъашивурттая баян буван.
Ми диялдакъашивурттаягу бусан бюхъайссар АьФ-лул ВК-рал 126-мур статьялийн бувну, так ряхва зурул мутталий.
Му бакъассагу, перевозчиктурал авиарейсру чIал даву бюхъайссар хьуну дикIан пассажиртурачIан миннуясса информация къабияврийну. Аь Ф-лул ВК-рал 106-мур статьялул 1-мур пунктрай чарабакъа тIалав бувну бур перевозчиктурал агьали ххияврил масъалартту дузал баву бакъассагу, багьайсса информациялущалгу пассажиртал кIул бувну бикIан аьркиншиву.
2007 шинал июнь зурул 28-нний Минтрансрал хIукмулийн бувну, цIакь бувну бур Федерал авиациялул кьяйдардайсса 72-мур пунктрал тIалавшиннардайн бувсса «Общие правила воздушных перевозок пассажиров, багажа, грузов и требований к обслуживанию пассажиров, грузоотправителей» тIисса бутIа. Сомолетирттал чIумуя чIумуйн рейсру дуллалиссар гьаваллавух лехлаххисса цинярда самолетирттал расписаниелийн бувну, миннуясса информация бикIан аьркинссар копьютердал базалувугу. ФАП-рал 73-мур бутIуй дуссар цинярда рейсирдайнсса самолетирттал информациярдайнсса хасъсса тIалавшиннарду.
Нажагьлий самолетирттал расписание даххана хьурча, перевозчик буржлувссар хьусса дахханашивурттая пассажирнахь бусан. Расписание даххана шаврия бувсуну буссар ФАП-рал 74-мур бутIуй.
Самолетру леххан чIал даврил ягу махъун рутаврил багьана-сававрттая пассажиртурахь бусан аьркинссар авиаперевозчиктурал ва агьали ххилаххисса идарарттан.
Самолетирттал рейсру чIал дуллалисса, махъун рутлати­сса чIумал чул бищун аьркин­ссар ФАП-рал 99 бутIа биттур баврин:
Перевозчик тахсирну рей­сру чIал дурсса, махъун руртсса чIумал перевозчикнал пассажирнан дузал дан аьркинссар цаппара чара-бакъасса шартIру;
арулла шин хьуннинсса оьр­чIащалсса ниттихъан булун аьркинссар бигьалагансса къатта;
кIира ссятраяр ххишала ялугьлагьисса пассажирнан уква телефондалувух кIива звонок бувансса ягу электронный почталийн кIира сообщение чичин­сса шартIру дузал дуван аьркин­ссар;
мукьра ссятраяр ххишала рейсрах ялугьлан багьсса пассажир щаллу уван аьркинссар гъилисса дукралул, гихунмай дяхтта гьарца ряхра ссят ларгтари ва хьхьувай мяйра ссят ларгтаригу дукралул щаллу уван аьркинссар пассажир;
щаллу буван аьркинссар пассажиртал аэропортрая гостиницалийн ва махъунмайсса транспортрал.

Гьарта-гьарзану цала ихтиярдая пассажиртураща кIул буван бюхъайссар Дагъусттаннал Роспотребнадзорданул цимурца кIул байсса 8 8722 69 03 05 телефондалийн оьвкуну.
Электрон журалийсса тавакъю гьан буван бюхъай­ссар ДР-лул Роспотребнадзор­данул управлениялул ­05.rospotrebnadzor.ru сайтрайн.
Вай масъаларттал хIакъираву агьали кьамул байссар Роспот­ребнадзорданул управлениялул жамятийсса приемныйлуву ва «Центр гигиены и эпидемиологии в РД» тIисса ФБУЗ-рал консултациялул центрдануву.