Июль зурул 22-нния байбивхьуну «Нордавиа» авиакомпаниялул гьарза дунни «Москва – Махачкала – Москва» рейсру.

«МахIачкъала» аэропортрая ва компаниялул дуллай буссия нюжмардий 3 рейс, утти байбивхьунни нюжмардий 6 рейс дуллай.
«Нордавиа» авиакомпаниялул пассажиртал ххилай буссар В-737-500 маркалул самолетирттай. Ххуллун кьини личIаннин, нюжмардий 6-лла МахIачкъалалия лехлантIиссар ва авиакомпаниялул самолет­ру.
Дунияллул халкьуннал статус ларсъсса «МахIачкъала» аэропорт бувагу цар бусса респуб­ликалий. Аьрасатнал шагьрурдаясса рейсирдая ссятрал мутталий кьамул айссар шикку 200 пассажир, чил билаятирттаясса рейсирдая – ссятрай 60 пассажир.
Гьарица кьини МахIачкъа­лаллал аэропортрая Москавлив лехлай дуссар 8-10 самолет, нюжмардий 4 рейс дуссар Санкт-Петербурграйн, мукунма МахIачкъалалия леххан бю­хъайссар Сургутрайн, Сочилийн, Минводылийн, Симферопольлайн, Курскалийн.
Дуссар МахIачкъалаллал аэропортрая Къазахъисттаннайнсса ва Турциянавунсса рейсругу.