Имполнительный властьрал органнал структура ххуй даву мурадрай, ДР-лул БакIчинал ХIукмулийн бувну 2016 шинал январьданий сакин дурссар Ишбажаранчишиврул ва инвестициярдал агентство, каялувчину ивтун ур Башир МахIаммадов.
ХIасан Аьдилов
Агентствалул чялишсса хIала-гьурттушиву дуллай бур коррупциялийн къарши буккаврил давурттаву. ЦIанасса ппурттуву коррупциялийн ва цаймигу аьдлу-низам лиян дуллалисса иширттайн къарши буккаву мурадрай, Агентствалул хIадур дурссар 2016-2017 шиннардий коррупциялийн къарши буккаврин хасъсса давурттал план.
«Коррупция хъанахъиссар системалул агьамсса проблема. Га проблема щаллу баву мурадрай, Аьрасатнал Федерациялий кьамул дурссар коррупциялийн къаршисса законну ва цаймигу нормативсса материаллу, ми негативсса иширттащал талан бюхъаншиврул.
Агентствалул цилла ихтиярдал лагрулий дачин дурну дур паччахIлугърал политика, ишбажаранчишиврул давуртту лядуккан даврил ва паччахIлугърал хIаллихшинну даврил бутIуву. Коррупциялул хьхьичIалу кьукьаву мурадрай ва паччахIлугърал хIаллихшинну аьчухну дулланшиврул, Агентствалул каялувчинал республикалул МФЦ-ращал кьутIи чирчунни паччахIлугърал ва муниципал хIаллихшинну даврил хIакъираву. Му кьутIилуву ккаккан бувну бур хIаллихшинну дувансса заявкарду ва аьркинсса документру центрдал офисирттайхчил хIадур бан. Башир МахIаммадовлул мукъурттийн бувну, мунийну бюхъантIиссар чан дан коррупция ва хIаллихшинну дуван аьчухну, шайссаксса марцIну. Баххана бантIиссар конкурсрал комиссиялувун бухлахими, ганил 30% гьашину битантIиссар жяматийсса организациярдал вакилтал.
