Аьвдулхаликьлул арс Къапланов Руслан
Вай гьантрай къашавай хъунма хIалгу къабувну жуятува личIий хьунни ххаллилсса буттал Аьвдулхаликьлул ва ниттил Марияннул арс Руслан.
Увну ур Руслан ЦIуссалакрал шяраву 1955 шинал. Миккува 10 классгу бувккуну дуклан увххун ур Дагъусттаннал паччахIлугърал университетравун, юридический факультетравун. Лавайсса кьиматирттащал дипломгу лавсун зий ивкIссар: МахIачкъалаллал Советский райондалул прокурорнал кумагчийну, республикалул прокуратуралул следственное управлениялул прокурорну, Дагъусттаннал таможнялул комитетрал зузалану.
Ва ия дуккавриву, давриву хъинну итххявхсса, аьркиннал чIарав ацIайсса лаккучув.
Цуксса хIайпнугу, Руслан аьпалухьхьун лавгунни чIун дуранура – 61 шинаву.
Ванал бивкIулул кьурчIишиву дакIнийхтуну кIидачIлай жижара буллай буру ванал кулпатрахь Асяхь, душварахь Аризахь ва ХIаписатлухь, ссурваврахь: Наидахь, Саидахь, Заирахь, куявтурахь, циняв мачча-гъанминнахь.
Ванан къабуллусса оьрму махъминнан булуннав, рухI бигьаний дишиннав, гьав нурданул дуцIиннав!
Гъумучиял, Вилттащиял, ГьувкIуллал жямат
——————————
Хан-МахIаммадлул душ СалихIова Ххадижат
Уттигъанну захIматсса азаруннища хъин къавхьуну, Алжаннул къапурду тIивтIусса ва Рамазан зурул байбихьулий аьпалул хьунни пиш къаувкуну чIивинахьгу, хъунанахьгу ссихI къадуккайсса, хъинну иминсса, хIалимсса хасият дусса хъамитайпа, КIамахъаллал шяраватусса Хъуна Хан-МахIаммадлул душ СалихIова Ххадижат.
Дахьва ца акъа-акъасса арснан кулпатгу бувну, муная бивзсса наслулия ххари хьунсса муттагу къабиривну личIи хьунни ва цила уссурссуннаягу, жяматраягу, агьлу-авладраягу. Ци банссар, мукунсса бухьунссия ванил кьадар.
Бувну бур Ххадижат майрал 1-нний 1960 шинал КIамахъаллал шяраву. Бусса оьрму захIматсса Лакку кIанай лавгсса, дуллалисса давричIагу, жяматраву хъанахъисса иширттавугу Ххадижат бикIайва дан-дитан кIулсса, учайсса мукъуй цIу бусса, къуманал, пашманнал дакI ххари данмур бакъа къаучайсса, гьар кIанайгу бавкьусса инсан.
Хъуннасса кьурчIишиву духIансса ссавур Аллагьнал дулуннав тIий жижара буллай буру ванил арс Казиннухь, ссурваврахь, цинявппагу уссурссуннахь, агьлу-авладрахь. Мунин къабуллусса оьрму арснан, арсная бивзнан булуннав, алжаннул ххари баннав, гьав нурданул дуцIиннав! Амин Аллагь!
КIамахъаллал
ва Ппалассуннал жяматру
