РАМАЗАННУЛ АРС САПИЖУЛЛАЕВ АБУТIАЛИБ
ЗахIматсса азардаща ххассал хьун къавхьуну, ахиратравун лавгунни ххаллилсса лаккучу, хьхьичIунсса педагог, аькьлу-кIулши ларайсса, дакI хъинсса зунтталчу Сапижуллаев АбутIалиб Рамазаннул арс.
АбутIалиб увссар Ккуллал райондалий 2-мур ЦIувкIуллал шяраву Рамазаннул ва Гуламаннул кулпатраву. Цала шяраву къуртал бувссар арулла шинал школа, муния махъ – ЧIяйннал дянивмур даражалул школа. Ва школа къуртал бувну махъ, учитель хьунсса пикрилий, АбутIалиб увхссар Дагъусттаннал паччахIлугърал университетрал химиялул ва биологиялул факультетрайн. Му къуртал бувну махъ, учительну зун айивхьуссар Хъусращиял дянивмур даражалул школалий. Зий ивкIссар цащала зузисса учительтуран эбратну.
Хъиривсса шинал ва зун увтссар Ваччиял дянивмур даражалул школалийн. КIира шинава Сапижуллаев АбутIалиб ивтссар райондалул методикалул кабинетрал заведующийну.
1974 шинал ва ивтссар Райком КПСС-рал пропагандалул ва агитациялул отделданул хъунаману. Ва давугу АбутIалиб лавайсса даражалий дачин дурну ивкIссар.
1994 шинал АбутIалиб тIайла увкссар зун ОНО-рал хъунаману. Ва къуллугърай ванал чIалачIи бувссар цува захIмат ххирасса, даврил сант кIулсса, бажар лавайсса педагог ушиву. 1989 шинал цува хушрай ОНО-раяту лавгун мукьахгу, АбутIали бзий ивкIссар личIи-личIисса жаваблувсса къуллугъирттай.
Ккуллал райондалий кIулшиву дулаву хьхьичIуннай давриву АбутIалиб лайкь хьуссар личIи-личIисса наградарттан. Ванан дуллуссар «РСФСР-данул просвещениялул отличник», «Победитель соцсоревнования» (1973 ш.) лишанну, «Дагъусттаннал кIулшиву дулаврил лайкь хьусса зузалал» цIа, медаль «ЗахIматрал ветеран» ва чIярусса хIурматрал грамотартту.
Цуксса хIайпнугу, АбутIалиб лавгунни аьрщарая чIун дуранура. Ванал бивкIулул кьурчIишиву кIидачIлай, дакIнийхтунусса жижара буллай буру ванал кулпатрахь, душварахь, уссихь, куявтурахь, махъсса гъан-маччанахь. Ванан къабуллусса оьрму махъминнан булуннав, цанмагу алжан нясив баннав.
2-мур ЦIувкIуллал ва Ваччиял жямат, дустал,
архIал дуклай бивкIми
——————————-
Оьрмулул аргъираву дунияллия лавгсса Дагъусттаннал халкьуннал ца яла ххирама балайчи, хъинсса дакIнил заллу
Жамал Абакаров
аьпалул шаврил кьурчIишиву кIидачIлай, жижара буллай буру кулпатрахь, оьрчIахь, уссурссуннахь, махъсса гъан-маччанахь.
Имандалий лавгун лякъиннав, алжаннул ххари аннав, гьав нурданул дуцIиннав. Ванан къабуллусса оьрму ванал оьрчIан булуннав.
Бархъаллал жяматрал цIанияту Заза ХIасанова
