Закондалийн бувну инсантуран аьркинссар чара бакъа булаван ЖКХ-лухсса багьа, миннущал архIал – капитальный ремонтрахлуссагу. Цуксса хIайпнугу, ми муданна дуллан къашайхха, бурж чан-чанну тIий салкьи шай муксса хъунмасса, цакуну лахъан къашай кIаксса хъунмасса бурж. Мунияту закондалул ихтияр дуллай дур му ЖКХ-лухсса ва капремонтрахлусса багьа къабуллалими танмихIрайн кIункIу бан, ягу кIивагу чулун къулайсса куццуй щаллу бан му масъала.

Коммунал хIаллихшиннахлусса багьа къабуллалиманай дихьлай бур аьчIа (пеня), му аьчIа хъунна хьуннина бурж буми аьркинссар, акъарив яла буржгу, аьчIагу ла_хъан къахъанай личIайссар.
ХIакьинусса кьини я тIюва­лул кодексраву, я коммунал хIаллих­шиннал кьяйдардаву да­къассар буржру лахъи буккан бувну булаврил (реструктуризация) кьяйда. Дагъусттаннал капитальный ремонтрал фондраща бюхълай бур мукунсса кьутIи чичин къатрал заллухъруннащал. Капремонтрал реструктуризация дурну духьурча, бюхълай бур тIювалул субсидия ласунгу. ЖКУ-ран буржлувну бакъашиврул справкалун кIанай субсидиялунсса заявлениялуцIун, (мукунма капремонтрахлусса взносир­ттал бурж бакъашиврул справкалун кIанай) заявлениялуцIун бучIиссар кьутIилул ца экземпляр дишин.
КьутIи чичирчагу, бурж буманаща бюхълай бур ишла дан хIаллихшинну, компенсациярду ва субсидияртту. Бурж лахъан бюхъантIиссар чан-чанну тIий, кьутIилий ккаккан бувсса ку­ццуй.
Реструктуризациялунсса кьу­тIи чичиншиврул аьркинссар шайссаксса ччяни бучIан Да­гъусттаннал капитальный ремонтрал фондрайн, тиккун ласун аьркинссар паччахIлугърал регистрациялул хIакъиравусса свидетельство ва паспорт.
ХIасан Аьдилов