АьФ-лул УК-рал 208-мур статьялийн бувну, уголовный жаваблувшиндарайн кIункIу буллалиссар закондалуцIун къабавкьуну ярагъуннищалсса кьюкьри сакин дурми ва миннуву гьуртту хьуми. Амма закондалуву мукунма ккаккан бувну бур тахсир хьума жаваблувшиндарая мурахас уллалисса хIуччардугу.
Агана ярагъуннищалсса кьюкьраву ивкIма цува рязину, ми кьюкьравагу ливхъун, ярагъгу органнахьхьун буллуну бухьурча ва мунай цамур тахсир хьуну бакъахьурча, му жавабрайн къауцинтIиссар.
09. 02. 2012 шинал бувксса №1 «О некоторых вопросах судебной практики по уголовным делам о преступлениях террористической направленности» тIисса АьФ-лул Верховный Судрал Пленумрал хIукмулул 30-мур пунктрайн бувну, инсан цува рязину ярагъуннищалсса кьюкьрава увкшиврун ккаллиссар, агана ми кьюкьраву ацIан бюхълай унува, ливхъун ухьурча. Ярагъ буллуминнан ккаллиссар, агана ярагъуннищалсса кьюкьраву бивкIминнал цачIавасса ярагъ властьрал органнахьхьун буллуну бухьурча, ягу ярагъ бусса кIану бувсун бухьурча.
Ярагъуннищалсса кьюкьраву ивкIманачIа аьркиншинна дакъа ярагъ къабивкIун бухьурча, му жавабрайн къауцайссар, цува рязину ми кьюкьрава увккун тIий ва муния властьрал органнайн баян бувну тIий.
