Декабрьданул 9-нний МахIачкъалаллал Дусшиврул къатраву байбивхьунни «Аьрасатнал Ккавкказ» тIисса дунияллул халкьуннал политологиялул 3-мур форум.

Форумрай гьуртту хьунни ДР-лул БакIчи Рамазан АьбдуллатIипов, Дагъусттаннал парламентрал спикер Хизри Шихсаидов, Миллатирттал иширттал Федерал агентствалул каялувчи Игорь Баринов, ПаччахIлугърал Думалул Миллатирттал иширттал комитетрал председатель ХIажимет Ссапараьлиев, РАНХ-лул миллатирттал ва федератив арардал кафедралул хъунама, тарихрал элмурдал доктор, профессор Вячеслав Михайлов, Аьрасатнал Журналистътурал союзрал председатель Всеволод Богданов ва чIявусса цаймигу.
Форум сакин бувссар АьФ-лул Миллатирттал иширттал Федерал агентствалул, форумрал кумагчитал хъанахъиссар ПаччахIлугърал Думалул Миллатирттал иширттал комитет, ДР-лул ХIукумат, РАН-далул Социологиялул институт, Дагъусттаннал экономикалул ва политикалул институт.
Форумрал планерсса заседание тIигу тIиртIуну, дачингу дурну ия ДР-лул БакIчи Рамазан АьбдуллатIипов, ганал лавхъунни хьхьичIмахъгу. Форум лахъи лагантIиссар декабрьданул 9-нния 14-нийнин.
Хъиривмур номерданий жу муния чичинну гьартану.
ХIасан Аьдилов