Декабрьданул 17-нний Москавлив «Россия-1», «Россия 24» телеканаллай ва 1-мур каналданий, «Маяк», «Вести ФМ» ва «Радио Россия» радиостанциярттай хьунни гьар шинах шайсса Аьрасатнал Федерациялул Президент Владимир Путиннул пресс-конференциялул тIайланнасса трансляция.

Цалчинмур суал буллунни «Комсомольская правда» кказитрал зузала Александр Гамовлул. Ганал цIувххунни, тару жува буккантIисса ва экономикалул захIматсса тагьарданувату куну. Мунин жаваб дуллай, В. Путиннул бувсунни цал цIубутIуй навтлил 1 баррельданухсса багьа бивкIшиву 100 долларданун, яла хьунни – 50 долларданун, цIана бур 38 долларданун. Мунияту жунмагу багьлай бур бюджетрал хIакъи-хIисавртту цIуницIа дуллан, ми багьрах бурувгун. Ялун нанисса шинал бюджетру жува хIисав бувссар навтлил багьа 50 долларданун куну. Амма уттигу бюджет цIунилгу тIайла бацIан бан багьлай бур, увкунни В. Путиннул.
Аьрасатнал Президентнал увкусса куццуй, агьалинал доходру лап чан хьуну дур, агьаммур капиталданувунсса инвестицияртту гьашину 9 зуруй чан хьуну дур 5,9 процентрал. Му мукуннугу, статистикалул ккаккан буллай бур Аьрасатнал экономикалул кризисрал яла захIматмур чIун чIарах дурккун душиву.
Владимир Путиннул пикрилий, гьашину шинал дайдихьулия шиннай инфляция хьуну дур 12,3 процентрал.
Хъиривгу буссар