Билал Оьмаров ивтунни Дагъусттаннал ХIукуматрал Председательнал хъиривчуну
Дагъусттан Республикалул БакIчинал ХIукмулийну, 2015 шинал ноябрьданул 10-нний региондалул ХIукуматрал Председательнал хъиривчуну ивтунни Билал Оьмаров.
Оьмаров Билал Зайнулаьбидович увссар 1975 шинал ЦIуссалакрал райондалий Чапаево шяраву.
Бувккуссар Дагъусттаннал паччахIлугърал шяраваллил хозяйствалул академия, «Механизация сельского хозяйства» тIисса пишалий, Дагъусттаннал паччахIлугърал университет «Юриспруденция» пишалий, АьФ-лул ПрезидентначIасса Аьрасатнал паччахIлугърал службалул академия, «Государственное и муниципальное управление» тIисса пишалий.
2004 шинал увчIуну ивкIссар ЦIуссалакрал райондалул бакIчину. 2006 шиная шинай зий ивкIссар ДР-лул шяраваллил хозяйствалул министрнал хъиривчуну, 2012 шиная цIанасса чIумалнин зий ивкIссар «Запкаспрыбвод» ФГБУ-лул каялувчину.
Ванал дуссар «Заслуженный работник сельского хозяйства» тIисса хIурматрал цIа, дуллуссар медаллу «К 200 летию МВД России».
«Илчи» кказитрал редакциялул зузалт барча тIий бур Билал Зайнулаьбидовичлул цIусса къуллугърай ацIаву.
ЧIа тIий буру уттинияр тихуннайсса хьхьичIуннайшивуртту, цIакьсса цIуллушиву ва оьрмулуву талихI-тирхханну. Вил уттимур къуллугъ мунияргу лавайсса даражалул хьуннав!
Редакция
