Ттигъанну жула хъунасса композитор Ширвани Чаллаев увкIунни Иорданиянал Оман шагьрулия. Тихун ва лавгссия тайннал паччахI Аьбдулла ибн ХIусайннул оьвкуну, Иорданнал паччахIлугърал опералул театрданул 35 шин там шаврил юбилейран хас дурсса концертрай гьуртту хьун.
Композиторнал тамансса шиннардил хьхьичIра чирчуну дур Сергей Плехановлул произведениялийн бувсса, Иорданнал билаятран хас дурсса, сюита «Дорога в Оман». Дуссар му концертрал дискгу.
ХIурматрай кьамул увну ур композиторгу, ванал творчествагу паччахIнал ва агьалинал.
Шиккува кIицI бан, ноябрь зурул 7- 8-нний Нижний Новгород шагьрулий хьунтIиссар тайннал опералул театрданул бихьлахьисса, Л. Н. Толстойл произведениялийн бувну Ширванинал чивчусса, «Казаки» опералул премьера.
Зулайхат Тахакьаева
