ДакIнийхтуну барча буллай буру Рамазаннул арс МахIаммадов Ризваннул ва ХIасаннул душ Аьлиева Маринал оьрмулуву хьусса мурадирал хъатIи.
ЧIа тIий буру зун цаннаяту ца щакъалихлахисса нахIусса, нацIусса, цачIусса оьрму! Зулва нину-ппу ххари бансса, чин эбратрансса кулпат хьуннав зуяту. Буттаха лавхьхьусса арсру, ниттиха лавхьхьусса душру буллай, оьрчIал хъяхъаврил чIу чан къахьуннав зул ужагърая.
ТалихIрайн, тирххандарайн букканнав зул ташу!
Арсен ва Асият Оьмаровхъал
ва Къардашовхъал кулпатирттал цIания
——————————
ДакIнийхтуну бурча буллай буру Хьуриятусса АьбдулмутIалиблул душ Абачарова (Шайхова) Загьидат октябрь зурул 15-нний хьусса 60 шинал юбилейращал.
ЧIа тIий буру вин цIакьшиву, цIуллушиву, ххари-хъиншивуртту, оьрмулия ххарисса чIярусса шинну. ДакIнийсса мурадру бартлаганнав, винма ччикун битаннав ина. ОьрчIая, душварая, миннал оьрчIая ххаришивуртту ккакканнав, ина вилва язиминнащал дунияллия щалихханнин битаннав.
Жугу ина ххирасса оьрчIру, душру, ссурвал, куявтал
