Сентябрь зурул 13-нний МахIачкъалалив №1 изоляторданувугу хьунни ДР-лул шагьрурдая ва шяраваллава Халкьуннал Мажлисравунсса депутатътал бувчIлачIаву. ЧIурду булавриву гьуртту хьунни ва идаралуву щяивкIсса 89 инсан.
ЧIурду булаву дайдирхьунни ссят 9.00 хьусса чIумал. СИЗО-вусса бувчIавурттай ялув бацIаву дуллай ия МахIачкъалаллал Кировский райондалул №1000-мур избирательный участокрал избирательный комиссиялул вакил Анвар Рамазанов. Изоляторданувусса чIурду булавриву хъуннасса личIишиву дакъар вайми участокирттайссаннуяр. Шиккугу гьарица избирательнахьхьун буллай бур бюллетень. Амма шиву бюллетенну ялапар хъанахъисса кIанттурдайн бувну бичлай бакъарча, фамилиялул цалчинмур хIарпирах бурувгун бичлай бур.
— БувчIавуртту дайдишин хьхьичIмур кьини УФСИН-лул зузалтрал хъуннасса даву дунни цалва идарарттавусса цинявппа чIурду булавриву гьуртту хьуншиврул.
БувчIавурттай дуснакь бувминнал чIурду булунсса ихтияр ссуссукьу дурсса кIанттурду къавхьунни, — тIий ур Анвар Рамазанов.
ДР-лул УФСИН-лул
пресс-служба
ХIадур бувссар
А. Аьбдуллаевал
