МахIачкъала шагьрулий муниципал бувчIавуртту даврил штабрал председательнал хъиривчу Аьбдулмуъмин Ибрагьимовлул сентябрьданул 14-нний дунни хъуншагьрулул районнал собраниярттавунсса бувчIавурттал хIасиллу. Мунил хIакъираву бувсунни шагьрулул администрациялул прессалул къуллугърал.

БувчIавурттаву гьуртту хьусса 8 партиялул бавтIунни аьркинссаксса чIурду МахIачкъалаллал районнал собраниярттавун цалва вакилтал бувчIиншиврул.
Сентябрьданул 13-нний чIурду булавривух гьуртту хьуну бур 206 азаруннаяр ххишаласса инсантал, ягу сияхIрайн лавсъсса избирательтурал 76%.
ХIасиллу укунсса хьуну дур:
1.Единая Россия – 70%; 2. «Справедливая россия» — 8%; 3. Партия «Родина» — 7%; КПРФ – 5%; 5. «Правое дело» — 4%; «Патриоты России» — 4%; 7. «Рот-Фронт» — 2,5%; 8. Аграрная партия – 1,5%.
ХI. Аьдилов