Сентябрьданул 1-нний ДР-лул муфтиятрал оьвкуну ДР-лийн бувкIунни бусурманнал дунияллий цIа дурксса аьлимтал, Щаллагу дунияллул бусурманнал аьлимтурал союзрал члентал. Миннавух бур: МухIаммад Мустафа Аз-Зухайли – шариаьтрал элмурдал доктор, философ,
профессор; Умар МухIаммад – шариаьтрал элмурдал доктор ОАЭ-рдал Исламрал масъаларттал ва гуманитар иширттал департаментрал вяъзачи ( проповедник); МухIаммад МахIмуд АхIмад Хашим – профессор, Египетрал «Аль-Хазар» университетрал проректор; Усман АхIмад АьбдурахIим – кьуръан лахьхьин баврил бутIул элмурдал доктор, Кувейтуллал вакьуфтурал ва исламрал иширттал министрнал советник.
Миннал программалий бур гьуртту шаву Дунияллул халкьуннал динчитурал конференциялий, «ккуркки столданий», Дагъусттаннал шагьрурдал Жумяъ-мизитирттай вяъзарду буккаву, диннал ва дуниявийсса вузирдал студентътуращал хьунабакьаву, республикалий экскурсиярду баву.
Ми гьарзатрая жу гьартану бусанну хъиривмур номерданий.
ХIасан Аьдилов
