Ттул ххирасса ссу Калимат! На ина барча буллай бура оьрмулуву хъанахъисса юбилейращал. Ина хъунмасса захIматгу бувссар, къатлулсса, оьрчIалсса бувссар ххуйсса даражалий.
Школданий дуклакисса чIумал спортраву ина лакрал сий гьаз дурссар, хьхьичIуннайшивуртту дурссар. Райондалий, Гъумук, байраннай ва укунма хъанахъими бяст-ччаллавух бакъа, ина гьуртту шайвав республикалул даражалий буллалиминнувухгу, лагайвав МахIачкъалалив спартакиадарттайн. Ина лечайвав, тIанкI учайва, бугьайва хьхьичIунсса кIанттурду, дулайва вин ххуйсса бахшишру.
Утти ина оьрмулул буччиннин битаннав винма ххираминнащал цIуллуну-цIакьну, оьрчIал, оьрчIал оьрчIал ххари буллай. Амин.
Нагу вил
ссу Мариян Илиясова
———————————
Циняв гъан-маччаминнал, агьлу-авладрал, дус-ихтивартурал цIанияту барча буллай буру ГьунчIукьатIрал шяраватусса Сулайманнул душ Оьмарова Гулизар ниттил бувсса кьинилущал.
ЧIа тIий буру Гулизар вин чIярусса цIуллусса шинну, цIу-цIусса ххаришивуртту ва ххуйшивуртту. Зунттал хъамитайпалун лайкьну, дакI-аьмал аваданну, тIул-тIабиаьт узданну бувтсса ва бутлатисса оьрмулийну ина хIалал бувссар жул цинявнналвагу хIурмат. Вин чан къаданнав оьрчIаясса ва оьрчIал оьрчIаясса духкъалагайсса ххаришивуртту.
Вания тиннай дичинтIими шиннугу хьуннав вил ххуй-хъиншивурттал видурцIусса, вила язи-язими мурадирттацIун даркьусса, цIуллусса! Яхъанахъу вилацириннащал талихIрай, тирххандарай!
Ина ххирацири циняв
