МахIачкъалаллал Ленинский райондалул прокуратуралул зузалт цайми пишакартуращал (территориальный отдел по РД Южного межрегионального территориального управления Федерального агентства по техническому регулированию и метрологии Росстандарта) май зурул 21-нния июнь зурул 2-ннийн бияннинсса чIумуву ялтту бувккунни шагьрулувусса цаппара автозаправкарттал, микку бахлахисса бензин цукунсса качествалул бурив ххалбан. Му мурадрай вайннал 10 заправкалия ларсунни АИ 92, 95, ва ДТ ччуччия.

КIира заправкалий («Росснефть» ва «Petrol 22» лявкъунни бензин чанну бутIлай, шанна заправкалий («Росснефть», «Башнефть» ва «Petrol 22» ялавайсса качествалул бензин бутIлай. Вай ххалбигьавур­ттайн бувну, тIайладакъашивуртту дурсса заправкарттал хъуниминнал хIакъираву сукку дунни 5 производство (ст. 14. 43 Ко АП РФ ва ст. 19.19 Ко АП РФ).
Му бакъассагу, тIайлада­къашивуртту ляркъунни сжиженный газ бахлахисса 2 АЗС-рай. Вай АЗС-ттай газ бахлай лявкъунни лицензия дакъанува. Миннул хIакъиравугу Дагъусттаннал Арбитражрал судрайн тIайла бувккунни кIива хIукму, АЗС-ттал хъуними жавабрайн буцаву тIалав буллалисса.
М. М. Велимурадов, МахIачкъала шагьрулул Ленинский райондалул прокурорнал кумагчи, 1-мур класс­рал юрист